Nexus之外Google仲有咩新品?

论瞩目程度,Nexus手机同Android 6.0 Marshmallow当之无愧,其他几样新品,包括Pixel C平板电脑、Chromecast 2.0、Chromecast Audio其实各有fans,不过未知最终几时抵港。

Pixel C:破天荒行Android
Pixel系电脑一向行Chrome OS,呢部Pixel C却改行Android 6.0,配备10.2吋屏幕,解像度2,560 x 1,800,採用NVIDIA Tegra X1处理器及Maxwell GPU,内置3GB RAM,设有立体声喇叭及USB Type-C接口。顺应潮流,Google另提供外置蓝芽键盘,以磁吸方式连接主体,一旦接驳会同时充埋电。Pixel C 32GB及64GB容量版本定价为US$499(HK$3,867)及US$599(HK$4,642),键盘则售US$149(HK$1,155),预计圣诞节档期喺美国开售。

Nexus之外Google仲有咩新品?
Nexus之外Google仲有咩新品?
Nexus之外Google仲有咩新品?
Nexus之外Google仲有咩新品?

Chromecast 2.0:圆咗抢眼咗

基本功能同初代分别不大,依旧係串流画面至电视,但外观唔似旧时成只USB手指咁款,变成一个大银。除黑色以外又增加柠檬黄同红色。新一代支援802.11ac Wi-Fi,加上全新天线系统,播片窒窒吓情况应该会有所改善。应用程式亦有作出改良,而机迷最开心嘅,就係可以用手机做游戏手掣。Chromecast 2.0跟第一代售价相同,卖US$35(HK$271),现已于美国Google Store发售。

Nexus之外Google仲有咩新品?
Nexus之外Google仲有咩新品?
Nexus之外Google仲有咩新品?
Nexus之外Google仲有咩新品?

Chromecast Audio:串流音乐

继承Chromecast之名,呢只Chromecast Audio原理同Chromecast大同小异,不过唔係串流影像至电视,而係将Google Play、Spotify等串流程式嘅音乐,通过3.5mm线输出至普通喇叭。跟Chromecast一样经已在美国开卖,售价相同。

Nexus之外Google仲有咩新品?
Nexus之外Google仲有咩新品?
Nexus之外Google仲有咩新品?
Nexus之外Google仲有咩新品?